Viggo kjem frå Eikanger i Alver kommune og har sjølv vore elev på Manger folkehøgskule – noko som gjer det ekstra fint å ha han tilbake som rektor. Han har lang erfaring som lærar og leiar, både i skuleverket og i kultur- og næringsliv, og er ein tydeleg og varm lagspelar. Ein kan trygt seie at Viggo er over gjennomsnittet interessert i musikk – spesielt korpsmusikk! Han har vore medlem av Eikanger-Bjørsvik Musikklag sidan 1977, og har hatt styreverv der i over 40 år.

Anne-Kari har vore ein hjørnestein på Manger Folkehøgskule i over 40 år. Ho er omsorgsfull, smilande og har ein imponerande god oversikt over alt som skjer på skulen. Anne-Kari har bakgrunn frå yrkesfag i saum, handelsskule og grunnfag sosial-pedagogikk, i tillegg til fleire kurs innan folkehøgskule. Ho har vore "husmor" på skulen i over 40 år og er assisterande rektor. Frå barndomen har ho vore aktiv i korpsmiljøet, og spelar no kornett i Manger Old Star.

Kari er ofte den første du møter når du kjem innom skulen eller ringjer oss – alltid med eit smil og godt humør. Ho er førstekonsulent på kontoret og tek seg av alt frå elevregistrering til utleige av skulebil. På fritida finn ho ro og energi i turar i naturen, trening, strikking – og ikkje minst fotballkampar.

Margie er utdanna innan utøvande musikk og arbeider internasjonalt som dirigent, arrangør og dommar. Ho er ein dedikert og ettertrakta dirigent som inspirerer med både fagleg tyngde og ekte musikkglede. Blant nyare erfaringar har ho vore dommar i EM og dirigerte det Europeiske ungdomsbrassbandet i 2025. Manger folkehøgskule har alltid hatt ein stor plass i hjarta hennar – her er ho dirigent og lærar for brassband, stipendiat og heile skulen.

‍

Venera er kjøkkensjef på Manger folkehøgskule, og er ein varm og dedikert kvinne som legg heile hjartet i jobben sin. Med over 11 års erfaring som kokk og 20 år på skulen, lagar ho mat med både kjærleik og omtanke – alltid god, næringsrik og velsmakande. På fritida nyt ho stunder med familien, slappar av på sofaen – eller oppdagar verda på reise.

Venera er kjøkkensjef på Manger folkehøgskule, og er ein varm og dedikert kvinne som legg heile hjartet i jobben sin. Med over 11 års erfaring som kokk og 20 år på skulen, lagar ho mat med både kjærleik og omtanke – alltid god, næringsrik og velsmakande. På fritida nyt ho stunder med familien, slappar av på sofaen – eller oppdagar verda på reise.

Silje har utdanning frå Musikkonservatoriet i Agder og har undervist på Manger sidan 2011. Ho har reist verda rundt som frilans vokalist og korist – frå glamorøse oppdrag i Cannes til turnear med internasjonale reggaestjerner i Aust-Afrika – og har medverka på over 20 studioalbum. Silje har ein stor lidenskap for musikk, formidling og å inspirere elevar til å finna sin eiga songrøyst. Du kan alltid høyra den smittande latteren hennar på lang avstand.

Henning har vore ein del av Manger Folkehøgskule sidan 2009, der han dirigerer Brassbandlinja og underviser på Musikk, bu og fritid. Som ein roleg og sindig fyr inspirerer Henning elevar med tryggleik og engasjement. Utdanna ved Griegakademiet i trompet og musikkpedagogikk, dirigerer han også Skodvin Skulemusikk, er frilansmusikar – og spelar principal i Eikanger-Bjørsvik Musikklag.

‍

Tor Sverre er utdanna elektrikar og har vakse opp på Manger, der han har budd mesteparten av livet. Han har alltid vore ein aktiv og likande kar – engasjert både i skulemusikken og idretten. Etter eit år på idrettslinja ved Numedal folkehøgskule har idrett, og spesielt fotball, vore ein naturleg del av livet hans. Han har spelt for fleire lokale klubbar og er no fotballtrenar for laget til eldste guten. Sidan 2023 har Tor Sverre vore ein del av Manger folkehøgskule – alltid blid, hjelpsam og med ein ekte stå-på-vilje. På fritida går det mest i familie, fotball og gode turar.

Grethe er trombonelærar på Manger Folkehøgskule, utdanna ved Bergens Musikkonservatorium og Noregs musikkhøgskole. Ho underviser med engasjement, tydelegheit og omtanke for andre, og har lang erfaring frå brassbandmiljøet. Ho spelar i BIT20 Ensemble Bergen og messingkvintetten BRIS, i tillegg til Bjørsvik Brass. Når ho ikkje er på scena, likar ho å segle og vandre i naturen, alltid med eit smil og ein varm energi som smittar over på elevane. Det mest meiningsfulle for Grethe er å få vere ein del av danningsreisa til ungdommen.

Johan er komponist, låtskrivar og musikkprodusent med bakgrunn frå Berklee College of Music i Boston, der han studerte filmmusikk. Han har komponert musikk til filmar og reklamefilmar, og skapar i tillegg verk for orkester, blåseband, storband og brassband. Med godt humør og ekte engasjement brenn Johan for å formidla musikk som skaper stemning og forteljing – og han utfordrar elevane til å finne si eiga musikalske røyst.

Jane er trompet- og kornettlærar på skulen, utdanna ved Konservatoriet i Bergen og Guildhall i London. Ho har lang fartstid frå brassbandmiljøet og har spelt Principal kornett i Eikanger-Bjørsvik Musikklag i 20 år. I tillegg til å dirigere brassband og undervise i valfaget yoga, er Jane sporty og full av energi – ho elskar å dele musikkglede, inspirere og skape engasjement blant elevane.

‍

Helga har vore ein viktig del av Manger folkehøgskule sidan 1991. Ho er ein erfaren og svært kunnskapsrik messingblåsar som underviser i alt frå instruksjon, ensemble og grovmessing til valfag som sjøbading og toving. Utdanna ved Bergen Musikkonservatorium i euphonium og trombone med Kim Lofthouse som mentor, spelar Helga for tida euphonium i Bjørsvik Brass og Manger Old Star, alltid med engasjement og glede i undervisninga.

Torstein Aagaard-Nilsen er ein dyktig komponist og musikar, utdanna ved Universitetet i Bergen og Bergen Musikkonservatorium, der han studerte trompet, musikkteori, komposisjon og pedagogikk. Han har ein lang og imponerande karriere bak seg, og er stadig nyskapande i alt han gjer. Under BrassWind 2024 vart verket hans Surrounded by Memories urframført med den amerikanske solisten Sarah Belle Reid. I 2016 vart han heidra med Musikkforleggerprisen for klassisk/samtidsmusikk. Torstein er ekte engasjert i musikken – og inspirerer alle rundt seg med kunnskapen, varmen og gløden sin. Skuleåret 25/26 er han i permisjon.

Kristian er utdanna lydteknikar ved UiS og Idefagskolen, og har drive eige lydstudio sidan 2006. Han har jobba med artistar som God Seed, AURORA, Josefin Winther, Silja Sol, Herr Nilsson og mange fleire. Hovudinstrumentet hans er gitar, men den verkelege lidenskapen ligg i synt, modulærsynth og tekniske duppeditter. Kristian er ein mann det er lett å få tillit til – roleg, kunnskapsrik og alltid klar til å hjelpe. Han er mannen å spørje om du lurer på noko teknisk, anten det gjeld lyd, opptak, utstyr eller produksjon.

Vegard har studert musikkterapi ved Griegakademiet og har vore ein del av Manger folkehøgskule sidan 2013 – som både musikklærar og miljøarbeidar på Musikk, Bu og Fritid. Med eit smittande engasjement og eit stort hjarte for elevane, skaper han rom for både musikkglede og meistring. Når han ikkje er på skulen, dirigerer han Hordabø Skulemusikk, underviser som slagverksinstruktør og er aktiv som frilansmusikar.

Stian er utdanna frå University of Salford i England, der han studerte trommesett med Dave Hassell. Han er ein dyktig, energisk og allsidig musikar som trivst like godt bak trommene i jazz, rock og pop som på teaterscena eller i studio. Ved sida av undervisninga på Manger speler han i ei rekkje prosjekt – mellom anna Carsten Dyngeland Trio og Kvartett, Ole Amund Gjersvik Trio, Gjersvik/Wedberg/Villanger Trio og Bergen Festorkester.

Hilde er utdanna sjukepleiar og har i tillegg eit årsstudium i pedagogikk og dessutan studiepoeng innan organisasjon og leiing. Ho starta ved Manger folkehøgskule i 2015, og har hatt mesteparten av arbeidslivet sitt her – noko både kollegaer og elevar set stor pris på. Hilde er lett å prata med, har alltid godt humør, og brenn for psykisk helsearbeid blant ungdom og unge vaksne. På fritida lader ho batteria med styrketrening og turar i skog, mark og på fjellet.

Tina er utdanna helsefagarbeidar og har vore ein del av skulen sidan 2018. Ho er omsorgsfull, trygg og alltid klar til å stilla opp for både elevar og kollegaer. Før ho kom til oss, jobba ho på vidaregåande skule, i bufellesskap og på SFO. På fritida set Tina pris på gode stunder med familien, reiser, ei god bok – eller ein skikkeleg fengande TV-serie.

Sigve kjenner folkehøgskulelivet frå innsida – han var sjølv elev her ein gong! Då kombinerte han jazzlinja med brassbandlinja, og fann gleda i å spele både tuba og baryton. Engasjert som få, har han i mange år vore aktiv i brassbandmiljøet i Hordaland og spelt i eit lokalt jazzband.

Hanne er ein miljøfagarbeidar som skaper tryggleik og trivsel rundt seg. Ho er koordinator på linja Musikk, Bu og Fritid, og har vore ein viktig del av skulen sidan hausten 2013. Med bakgrunn frå arbeid i barnehage og barne- og ungdomsskule, møter ho elevane med varme, omsorg og ekte interesse. På fritida finn du Hanne saman med familien – gjerne på tur, med musikk i øyrene eller på reise for å oppleva noko nytt.

Adelheid er ein varm og engasjert barne- og ungdomsarbeidar som har vore ein del av Manger folkehøgskule sidan 2019. Med erfaring frå barnehage, barneskule, støttekontakt og bufellesskap, møter ho elevane med tryggleik og ekte omsorg. På fritida er Adelheid aktiv i barneidretten gjennom Radøy IL, der ho har vore turntrenar i mange år. Ho trivst best når ho er saman med familien – gjerne i lag med hundane sine eller rundt bordet med eit godt spel.

Hildegunn gjekk sjølv på Manger folkehøgskule 80/81, og etter skuleåret fekk ho arbeidstrening her – noko som vart starten på over 40 år i arbeid på kjøkkenet og internatet. Ho er alltid smilande, ser deg når du kjem inn døra og er utruleg flink til å hjelpa til på kjøkkenet. Når ho får ferie, pakkar ho gjerne kofferten og reiser til varmare strøk for å nyte sol og kvile.

Louise kjem frå Danmark, er utdanna Professionsbachelor i ernæring og helse, og jobbar som kokk på kjøkkenet – der ho tryllar fram kreativ og spennande mat med ekte matglede og godt humør. Louise har vore aktiv innan kor og song sidan tenåra. Ho veit godt kor verdifullt eit folkehøgskuleår kan vere, etter sjølv å ha gått på «musikefterskole» i Danmark. Skuleåret 25/26 har ho permisjon frå kjøkkenet, men held fram på skulen som nattevakt – til glede for elevar og kollegaer.

Karen har vore ein del av Manger folkehøgskule i rundt sju år. Ho kjem frå Peru og har budd i Noreg i 10 år. Fleirspråkleg og med ein smittande latter, gjer Karen alle rundt seg glade – ho snakkar spansk, engelsk, portugisisk og norsk. Med bachelor i International Business hadde ho kanskje ein anna veg å gå, men lidenskapen for mat og smak fekk henne til å søkje jobb på kjøkkenet. På fritida elskar ho å trene og vere i lag med familien.

Kato er utdanna ved Griegakademiet, UiB, der han tok mastergrad under Jan Hovden og Torleif Torgersen. Han jobbar som pianist og akkompagnatør på folkehøgskulen, gir kompetimar og speler til skulekoret – alltid med eit roleg og ettertenksam personlegdom som skaper tryggleik og inspirasjon rundt seg. Når han ikkje er på Manger, er han Distriktsmusikar på Voss og frilans konsertpianist. På fritida finn du Kato i fjellet, på trening – eller i sjøen for eit forfriskande bad.

Ingse er utdanna frå Høgskolen i Stavanger og UiB, med mastergrad innan medieproduksjon. Ho har bakgrunn frå BTV – Bergens Tidende og som frilansar, før ho tok praktisk-pedagogisk utdanning i medieproduksjon. Sidan 2022 har ho vore ein kreativ og engasjert del av Manger folkehøgskule. På fritida liker Ingse å sjå film og reise på hyttetur med familien – både til sjøs og fjells.

Jørn har eit varmt engasjement for både folk og fag. Han er utdanna hjelpepleiar i vernepleie og har 19 års erfaring frå helsevesenet i Hordaland og Bergen. Etter eit spennande karriereskifte jobba han ti år i Bergen Software Services før han starta sitt eige IT-selskap. Sidan 2013 har Jørn vore ein stødig og hjelpsam IKT-konsulent ved Manger folkehøgskule – alltid klar til å finna løysingar med eit smil. På fritida finn du han gjerne ute i skog og mark, eller med fiskestonga i handa.

Anja har vore ein del av Manger folkehøgskule sidan 2017, og er tolmodig og alltid klart til å bidra der det trengst. Ho har fagbrev som filigransarbeidar, er agronom, rideinstruktør og har praktisk-pedagogisk utdanning, i tillegg til vidareutdanning innan spesialpedagogikk. På skulen er ho litt “potet” – som miljøarbeidar, lærar og på reinhald. Anja har valfag i hesteriding, og på garden hennar, ikkje langt frå skulen, finn du både hestar og sauer. Med sit lune vesen og ekte engasjement skaper Anja trivsel rundt seg – både for to- og firbeinte!

Olha kjem frå Ukraina og har to masterutdanningar – ei innan bergverksfag og ei innan reiseliv. Ho er eit menneske full av nysgjerrigheit og skapargleie. På fritida elskar ho å fotografere natur, landskap og folk, og kameraet er ofte med når ho er ute på tur. Ho trenar styrke på Studio NOR, og finn stor glede i å lage mat og teste nye oppskrifter. Olha er òg glad i å reise, utforske nye stadar og møte menneske undervegs.