Manger Folkehøgskule er ein frilynt skule som byggjer på humanistiske verdiar som respekt, rettferd og ansvar. Målet er å fremje allmenndanning og folkeopplysning.

‍

Gjennom både sosialt liv og praktisk og teoretisk arbeid blir elevane utfordra til å utvide kunnskapen sin og utvikle nye erfaringar. Ungdom frå ulike miljø møtest og skaper eit rikt og mangfaldig fellesskap som òg krev forståing, toleranse og respekt for kvarandre og for skulen sine retningslinjer.

‍

Folkehøgskulen er eksamensfri og utan karakterar. Elevane må derfor finne eigne mål og ta ansvar for eiga læring. Den pedagogiske fridommen gjer rom for at både elevar og tilsetje kan bruke sine ressursar fullt ut. Læraren fungerer ofte som rettleiar, og undervisninga blir forma av samarbeid, interesse og entusiasme – i tråd med Grundtvigs ideal om at «lysta driv verkte».

‍

Linjefaga står sentralt på Manger Folkehøgskule, men elevane får òg møte nye arbeidsområde og interesser gjennom fellesskapen og dei menneska dei møte.